 ئەی ئەوانەی وا دڵمتان لە ژێر نێوی تابڵۆی ناموسدا یەخسیركردوە روح -میشتان لە سەحرای كۆنەدەسەڵاتدا سەرگەردان كردوە
ئەی ئەوانەی لە ژێر نێوی ئازیزانم وا دەدەن عەزاب دڵە گیانم
ئەوین رۆستەمی
هەناسەتان لێ ستاندم، ئاسۆی هیواشم لە پشت باڵی رە شی كۆنەپەرە ستیتاندا ونەو
هەرگیز هەتاوی خەونێكی تازە لە ناخم دا هەڵ نایە
خونچەی تازە پوشكوتووی ئاواتیمیش تان لە ڕەگو ڕیشە هەڵ قەندوە
تاكەی تاریكی و ناهومێدی هاوڕێم بن،
تا كەی خەونەكانم یەك لە دوای یەك لە سێدارەی ناموس بدرێن؟
وردە گلەیی!
دەم سوتێنن، ونم دەكەن
ڵێم دەدەن، پێمدا دەدەن
ڕوح و دڵم بەر ئاگردانی ئازار دەدەن
تۆهمەتی كەسایەتی و كەم بودم پێ دەدەن
مەیتم وەك ڕیسوا كردن
لە خامێ رەشی مەرگ وەر دەپێچن
مەحكومم دەكەن لە دادگەی پیاو ،
دانە دانەی خەونەكانم مەحكوم
بە زیندانی ئەبەدی ناهومێدی دەكەن
لە وردە سۆزی ئەوینی جوانە لاوم بێ بەریم دەكەن
جوانە لاویشم لە پشت دیواری وەفا لە بن سێبەری جێ ژوانی سۆز
دە كا شین و ئەیڕۆ ئەیڕۆی بە چرپە!
گەرچی دوحا بم یا لەیلا، چارەنوسم مەحكومە بە سێدارە!
ئەوین رۆستەمی ـ نۆروێژ
|
