ماڵپهڕی لاوان: وەرزشکاره كوردەكانی كرماشانو سنە لە كێبڕكێكانی زۆرەوانیی فەرەنگیی لاوانی ئێراندا به هێنانهوهی کۆمهڵیک میداڵی زێرو زیو درەوشانەوە.
بەپێی راپۆرتی هەواڵدەریی كوردستانو كورد لە كێبڕكێ قارەمانییەكانی زۆرەوانیی فەرەنگیی لاوانی ئێراندا تیمی زۆرەوانیی فەرەنگیی لاوانی پارێزگای كرماشان 3 میداڵی زێوو میداڵێكی بڕۆنزی بردۆتهوه.
لەم خولەی كێبڕكێكاندا كە بە خانهخوێی پارێزگای مازەندەرانو بە ئامادە بوونی 183 وەرزشكار لە 8 كێشی جۆراوجۆرداو بە بەشداریی 26 پارێزگا بەڕێوەچوو، عەلی هیمەتی، یاریزانی كوردی خەڵكی شاری كرماشان لە فیناڵی كێشی 50 كیلۆگڕەم دوای نوێنەری لۆڕستان پلەی دووهەمی وەدەست هێناو سەجاد فەرەح¬پوور وهرزشکارێکی دیكە له كێشی 74 كیلۆگڕەمداو هەروەها وەحید نامداری له كێشی 84 كیلۆگڕەمدا توانیان بە هێنانەوەی پلەی دووهەم میداڵی زێوی ئەم كێبڕكێیانه وەربگرن.
ههروهها لە كێشی 96 كیلۆگڕەمیشدا سەجاد مەنووچێهری لە كرماشان وێڕای سوبحان نەعیمایی لە مازەندەران بە هاوبەشی پلەی سێهەمیان پێ بەخشرا.
لەلایەكی دیكەوە زۆرانبازهکانی كوردی پارێزگای سنەش لەم كێبڕكێیانەدا بە وەرگرتنی میداڵێكی زێڕو میداڵێكی بڕۆنز كۆتاییان بە كارەكانی خۆیان هێنا.
لەم كێبڕكێیانەدا لە كێشی 96 كیڵۆگڕەم محەممەد ئیبراهیمی بە سەركەوتن بەسەر یاریزانەكانی دیكە رێی كەوتە فیناڵی ئەم كێبڕكێیانەو بە سەركەوتن بەسەر زۆرانبازێکی پارێزگای “قوم”دا، میداڵی زێڕی وەرگرتو له سەكۆی قارەمانیەتی كێبڕكێکاندا راوهستا.
ههروهها ئیدریس ئیبراهیمی وهرزشکارێکی دیكەی سنەیی كە لە كێشی 84 كیلۆگڕەمدا زۆرانی دوگرت، توانی پلەی سێهەمو میداڵی برۆنزی کێبهرکێکان بباتهوه.