هەروەک لە هەواڵەکانی ڕۆژانی رابردوودا ئاماژەمان پێکرد لە ڕۆژانی۲٨ و ۲۹ی جۆزەردان کۆنگرەی یەکیەتیی نێونەتەوەیی لاوانی سوسیالیست بە بەشدارای چالاکانەی یەکیەتیی لاوانی دێموکراتی ڕۆژهەڵاتی کوردستان لە پاناما بەڕێوە چوو، ئەمڕۆژانە سکرتێر و بەڕێوەبەریی نوێی ئەم ڕێکخراوە لە ڤییەنی پایتەختی وڵاتی ئۆتریش و لە بارەگای سکرتاریای ئەم ڕێکخراوە دەستیان بە تێکۆشانی فەرمی کرد.
پێشەوا عەلی پوور سکرتێری گشتیی یەکیەتیی لاوانی دێموکراتی رۆژهەڵاتی کوردستان بەم بۆنەوە پەیامێکی پیرۆزبایی و سپاسگوزاری بۆ سکرتاریەتی ئەم ڕێکخراوە نارد، کە ئەمەی خوارەوە دەقەکەیەتی:
بەڕێزان بەڕێوەبەریی یەکیەتیی نێونەتەوەیی لاوانی سوسیالیست!
بەڕێز برۆنۆ گۆنزالێس سکرتێری گشتی!
وێڕای پیرۆزبایی بەستن و سەرکەوتنی کۆنگرەی ئەمجارەی IUSY، وەکوو لاوانی کوردستان خۆشحاڵین کە کۆنگرە لە کەشێکی دێموکراتیک و بە گڕوتینێکی سوسیالیستی بەڕێوە چوو.
بێگومان پەسەند کردنی بڕیارنامەیەکی تایبەت بە ڕەوشی مافەکانی مرۆڤ لە ئیران و هەروەها وەرگیرانی ڕێکخراوەکەمان وەک ئەندامی هەمیشەیی IUSY، مایەی دڵخۆشی سەرجەم لاوانی سوسیالیست و دێموکراتی کوردە.
ڕۆژهەڵاتی نێوەڕاست، ئەو شوێنەی کوردستانی لێ هەڵکەوتووە و بەداخەوە لە نێوان ڕێژیمەکانی ئێران و تورکیا و سوریا و عێراقدا دابەش کراوە، مەیدانی وێک کەوتنی بیرە ئایینییەکان و هەروەها مەکتەبە فکرییەکانە. کۆماری ئیسلامی ڕێژیمێکە کە بەدوای هاڵۆز کرنی دۆخەکەدا دەگەڕێ و دەرفەتی بەشداری سیاسی و مەدەنی لە لاوان دەستێنێتەوە و ئایدیاکانی خۆی لەسەرووی هەموو ئایدیاکان دەبینێت. ڕێژیمی ئێران هەنووکە بۆتە مەترسییەکی زۆر جدی لە سەر دێموکراسی و بەها و نۆڕمە نوێیەکان.
لە وەها دۆخێکدا ئێمە لاوانی کورد بێ هیوا نین و پێتان ڕادەگەیەنین کە یەکیەتیی لاوانی دێموکراتی ڕۆژهەڵاتی کوردستان هاوپەیمانێکی ئەمینی هەموو لاوانی سوسیالیستە بۆ سەقامگیر کرنی ئازادی و دێموکراسی و مافەکانی مرۆڤ لە ڕۆژهەڵاتی نێوەڕاست و هەروەها لە ئێرانی دوای کۆماری ئیسلامی.
لە کۆتاییدا پیرۆزبایی لە بەڕێوەبەرانی نوێ و ڕێبەرانی نوێی لاوانی سوسیالیستی جیهان دەکەم بەتایبەت بەڕێز سکرتێری گشتی.
پێشەوا عەلی پوور
سکرتێری گشتیی یەکیەتیی لاوانی دێموکراتی ڕۆژهەڵاتی کوردستان
05/07/2021
————————————————————————————————————————–
Dear Presidium of IUSY
Dear General Secretary of IUSY
We as Democratic Youth Union of East Kurdistan (DYUEK) Congratulate IUSY upon the success in accomplishment of its recent congress. We are delighted to witness that the congress was held in a democratic and socialist environment.
In fact, approving a significant declaration regarding the human rights condition in Iran in addition to our acceptance as a full member of IUSY grew a massive pleasure among Socialist and democratic Kurdish youth.
Kurdistan region is located in the Middle East and has been divided among countries of Iran, Turkey, Syria and Iraq. This is the place where various religions and ideologies are interacted. The Islamic Republic of Iran is willing to complicate the stability of the region, and it restricts any opportunity ahead of youth to maintain its ideology upon everything else.
Nowadays, Islamic Republic of Iran is the major barrier of developing democracy in the region. Meanwhile, we as Kurdish youth are promising to our values and beliefs, and we continue our work as a strong ally of all IUSY members to achieve the ultimate objective which is developing freedom, democracy and human rights for everyone in the Middle East and Iran.
At the end, we congratulate the recently elected leaders and committees in particular the Secretary General of IUSY.
Wish you all the best
Peshawa Alipour
General Secretary of Democratic Youth Union of East Kurdistan (DYUEK)
05/07/2021
