.ئەو توێژینەوەیە کە باس لە ڕۆڵی تۆڕە کۆمەڵایەتییەکان دەکات، ئەو پرسیارە دەخاتە ڕوو: ئایا دەبێت لە ڕایەڵە کۆمەڵایەتییەکان وەک بزوێنه‌ر یان ئامرازێکی ئاسانکاریی ڕاپەڕین لە ڕۆژهەڵاتی کوردستان بنواڕین؟
نووسەر لە پێشەکیی توێژینەوەکەیدا دەڵێ ئامانجی سەرەکیی ئەم تێزە کە بۆ زانکۆی “ایران آکادمیا” ئامادە کراوە، لێکۆڵینەوە لە پەیوەندیی نێوان تۆڕە کۆمەڵایەتییەکان و بزووتنەوە کۆمەڵایەتییەکانە لە چوارچێوەی ڕۆژهەڵاتی کوردستاندا و بۆ ئەو مەبەستە، شێوازی لێکۆڵینەوە بەکار هاتووە. نموونەکەش لە ٢٠٤ کەس لە شاری سەقز لە ڕۆژهەڵاتی کوردستان پێک‌هاتووە.
ئەنجامەکانی ئەم لێکۆڵینەوەیە ئاماژە بەوە دەکەن کە تۆڕە کۆمەڵایەتییەکان پاڵنەرێکی بەهێزی ڕاپەڕینی ئەم دواییەی ڕۆژهەڵاتی کوردستان نەبوون، بەڵکوو بە شێوەیەکی نەریتی تۆڕە ڕێکخراوەییە سیاسییە بەهێزەکان وا دەردەکەون کە ناڕەزایەتیی کۆمەڵایەتی لە ساتە گونجاوەکاندا ڕەچاو دەکەن، هەروەک چۆن لە ڕاپەڕینەکەی دوای شەهید کرانی ژینا لە پاییزی ساڵی ڕابردوودا ڕووی دا.
فواد خاکی بەیگی لەدایکبوی ساڵی 1984 لە شاری دیواندەرەی رۆژهەڵاتی کوردستانە و ئەم بەرهەمەی پێشکەش بە شەهید ژینا ئەمینی کردوە و ئەم توێژینەوەیە بەشێکە لە پێداویستیەکانی بە دەست هێنانی بڕوانامەی ماستەر لە بواری کۆمەڵناسی لە زانکۆی ئێران ئاکادمیا کە لە وڵاتی هۆلەندا تۆمار کراوە.
شایەنی باسە فواد خاکی بەیگی بۆ ماوەی دوو خول سکرتێری یەکیەتیی لاوان بووە
