پاشنیوەڕۆی رۆژی دووشەمە ٢١ی گەڵاڕێزانی ٩٧ شاندێکی گەنجانی وڵاتپارێز لە پارتی کرێکارانی کوردستان بەسەرپەرەستی هەڤاڵ شاخەوان، سەردانی یەکیەتیی لاوانی دێموکراتی رۆژهەڵاتی کوردستانیان کرد لە شاری سلێمانی و لە لایەن هەیئەتێکی یەکیەتیی لاوان بە سەرپەرەستی پێشەوا عەلی پوور سکرتێری گشتیی پێشوازیان لێکرا.
لەو دیدارەدا کۆمەڵێک باس و مژاری تایبەت بە رۆژهەڵاتی کوردستان و پارچەکانی دیکە تاوتوێ کران، پرسی موشەکبارانی قەڵای دێموکرات و دۆخی باکوری کوردستان و گەلەکۆمەی ئیقلیمی لە نەتەوەی کورد تەوەرە سەرەکیەکانی ئەم دانیشتنە بوون و هەردوو لا جەختیان لەسەر هاوکاری و کاری هاوبەش بۆ ئیدامەی خەبات و تێکۆشان کردەوە.
شاندی میوان وێڕای رێزگرتن لە ئیرادەی لاوانی دێموکرات دوای موشەکبارانی قەڵا، خۆشحاڵی خۆی لەمەڕ پەیوەستبونی هەرچی زیاتری لاوان بە ریزەکانی حیزبی دێموکڕاتی کوردستان دەربڕی.
© 2020 یەکێتی لاوانی دێموکڕاتی ڕۆژهەڵاتی کوردستان – هەموو مافەکانی ماڵپەڕ پارێزراون .
Discussion about this post