پاشنیوەڕۆی رۆژی پێنجشەمە ٦/٧/٢٠١٧ شاندێکی یەکیەتیی لاوانی دێموکراتی رۆژهەڵاتی کوردستان بەسەرپەرەستی پێشەوا عەلی پوور سکرتێری گشتیی، پێشوازییان کرد لە شاندێکی یەکیەتیی لاوانی کوردستان بەسەرپەرەستی بەڕێز رێباز هاشم سکرتێری گشتیی ئەو رێکخراوە
لەو دیدارەدا سەرەتا پێشەوا عەلی پوور وێڕای بەخێرهاتن کردنی شاندی میوان باسی لە هەلومەرجی کوردستان و دۆخی لاوانی کورد کرد و بە ئاوڕدانەوە لە پرسی کۆڵبەرانی رۆژهەڵاتی کوردستان و ئەو قەیرانانەی کە بەرۆکی لاوانی کوردی گرتۆتەوە ئاماژەی بە بەستنی کۆنفڕانسی لاوانی چوارپارچە کرد بۆ لێک تیگەیشتنی زیاتری نیوان لایەنەکانی لاوان و دۆزینەوە نەخشە رێگایەک کە هیوا هومێد بۆ لاوانی کورد دروست بکات و رێکخراوەکانی لاوان ئەرکدار بکرێن لەهەمبەر پەروەردەی لاوان لە هەموو بوارەکاندا.
پاشان بەڕیز رێباز هاشم وێڕای دەستخۆشی و تەئیدی قسەکانی بەڕێز پێشەوا عەلی پوور ئاماژەی بە تێکۆشانی خۆیان و ئەندامبونیان لە رێکخراوێکی جیهانی تایبەت بە لاوان کرد تەئکیدی کردەوە کە لەو رێکخراوەدا نوێنەرایەتی هەموو لاوانی کورد بی جیاوازی بکەن، هەروەها بەڕێزیان ئاماژەی بە لێکتێگەیشتن و لێکنزیکبونەوەکانی نیوان دوو لایەنی دێموکرات کرد و هیوای سەرکەوتنی بۆ ئەم پڕۆسەیە خواست.
لە کۆتاییدا هەردوولا وێڕای هاودەنگی لەسەر کۆمەڵێک پرس پێداگریان لەسەر درێژەدان بە تێکۆشان و کاری هاوبەش کرد
بۆ بینی وێنەکان
