هاوڕێیان و دۆستانی بەڕێزم لە یەکیەتیی لاوانی دێموکراتی ڕۆژهەڵاتی کوردستان!
زۆر دڵخۆشم کە ئەمڕۆ لەگەڵتانم بە بۆنەی یادی ٨٠ ساڵەی دامەزرانی ڕێکخراوەکەتان، ئەم ڕۆژە نەک هەر ڕۆژێکی گرینگە بەڵکو هێمایەکە، بەتایبەتی ئەگەر سەرنج بدەینە سەر چالاکییەکانی ئێوە نەک تەنیا دژی دەسەڵاتی پاشایەتی، بەڵکوو دژی زوڵم و زۆری ڕێژیمی کۆماری ئیسلامی. ئەو چالاکییانەی ئێوە لە ماوەی ساڵی ڕابردوو لە ئێران و لە کوردستان، خەباتیک بووە بۆ ئازادی. ئەوەی ئێستا دەیبینین ئەوەیە کە ڕێکخراوەکەتان لەم قۆناخەدا، زیاتر لە هەموو کاتێک زیندووە! هەروەها ئێوە هاوپەیمانێکن لەو ناوچەیە دا کە خەبات بۆ ژیانی باشتری لاوان، چین و توێژە بێبەشەکانی ئەم کۆمەڵگایە و بەتایبەتی ژنان دەکەن!
دوای کوشتنی ژینا مەهسا ئەمینی کە جێی داخە، ساڵی ڕابردوو سەدان ژن و لاوی چالاک بۆ ئازادی و بەرابەری لە مەیدان دا بوون!
بەڵام من دەزانم کەس ناتوانێ بیرۆکەیەک بکوژێت! ئەویش بیرۆکەی ئازادی! بیرۆکەی ڕاستەقینە! ئەو بیرۆکەیەی کە بەرگری دەکا لە مافەکانی مرۆڤ و یەکسانی! شتێکە کە هیچ دەسەڵاتێک و هیچ پۆلیسێکی حیجاب هەرگیز ناتوانێت بیکوژێت!
هەر بۆیەش خەباتی بوێرانەی ئێوە بۆ بەها سەرەکییەکان و بەهای هاوبەشەمان، نەتەنیا بۆ ئێمە جێگای ڕێزە بەڵکوو پێویستن بۆ داهاتووی جیهانێکی باشتر و ناوچەیەکی باشتر!
دەزانین کە جیهان بەتایبەتی لە ساڵێک لەمەوبەرەوە لە ئاڵوگۆڕێکی چاوەڕوان نەکراو دایە، بەڵام ئەم گۆڕانکارییە هەلێکە بۆ سەرکەوتن و هەروەها یەکسانی لە داهاتوویەکی ئازاد! بۆیەش خەباتی گەلی کورد لە کوردستان بۆ کۆمەلگایەکی باشتر، سۆسیالیستی و سۆسیال دێموکراسی نە تەنها بۆ ئێوە، بەڵکوو بۆ ئێمەش وەکوو یەکیەتی لاوانی ئینتێرناسیۆناڵ سۆسیالیست جێگای ڕێز و جەوهەرییە!
دەمهەوێ پێتان بڵێم ئێمە وەکوو گەورەترین ڕێکخراوی سیاسی و جیهانیی لاوان لەگەڵ ئێوەین، پشتی ئێوە بەرنادەین و هاودەنگ بۆ بەدەستهێنانی داهاتوویەکی باشتر لەگەڵ ئێوە و نەوەکانی ئێستا و داهاتووی کوردستان و ئێران و بێگومان هەموو نەوەکانی گۆی زەوی دەمێنینەوە!
تکایە لە تێکۆشانی خۆتاندا لەسەر ئێمە حیساب بکەن، هەوەک ئێمەش لەسەر ئێوە حیساب دەکەین بۆ گەیشتن بە ژیانێکی باشتر، هاودەنگییەکی جیهانی و ئازادی لە سەرانسەری ئەم زەوییە!
