سەرلەبەیانی رۆژی یەکشەمە ٨ی بانەمەڕ شاندیکی سکرتاریای یەکیەتیی لاوانی دێموکراتی رۆژهەڵاتی کوردستان بەسەرپەرەستی پێشەوا عەلی پوور سکرتێری گشتیی رێکخراو سەردانی کۆنسولخانەی فەخری وڵاتی سریلانکایان کرد و لەلایەن کۆنسولی فەخری دکتور ئەحمەد جەلالەوە پێشوازییان لێکرا.
لەودیدارەدا سکرتێری گشتیی یەکیەتیی لاوان وێڕای دەربڕینی هاوخەمی لەبابەت ئەو زنجیرە تەقینەوەی کە رۆژانی رابردوو ئەو وڵاتەیان کردە ئامانج، تێرۆر و رەشەکوژی خەڵکی بێ تاوانی مەحکوم کرد و بە بیرهێنانەوەی تێرۆری رێبەرانی حیزبی دێموکرات و هەروەها موشەکبارانی قەڵای دێموکرات تێرۆریزمی دەوڵەتی کۆماری ئیسلامی و سپای پاسدارانی مەحکوم کرد.
پاشان بەڕێز دکتور ئەحمەد جەلال کۆنسولی فەخری وڵاتی سریلانکا باسی هەڵکەوت و دۆخی ناوخۆیی وڵاتی سریلانکای کرد و سپاسی شاندی یەکیەتیی لاوانی کرد بۆ دەر بڕینی هاوخەمیان.
لەکۆتاییدا پێشەوا عەلی پوور سکرتێری گشتیی یەکیەتیی لاوان لە دەفتەری هاوخەمیەکان چەند دێڕی بۆ گەلانی سریلانکا و قوربانیانی ئەو کارەساتە نووسی.
سەردانی شاندێکی سکرتاریای یەکیەتیی لاوانی دێموکرات لە کۆنسولخانەی وڵاتی سریلانکا
Discussion about this post