“ڕامین نوسرەتی هیق” بە نوێنەرایەتیی یەکیەتیی لاوانی دێموکراتی ڕۆژهەڵاتی کوردستان، لە کۆڕێک کە بە بۆنەی ٢ی ڕێبەندان ٨٠یەمین ساڵیادی دامەزرانی کۆماری کوردستان لە شاری بێرنی وڵاتی سویس ڕێک خرابوو، بەشداریی کرد.
لە سەرەتای کۆڕەکەدا، کە ژمارەیەکە کەسایەتیی بەناوبانگی سویسی لەوانە سیناتۆر “کارلۆ ساموڕوگا” و “فابیان مۆلینا” ئەندام پەرلەمان و پڕۆفیسۆر د. “تۆماس گونتنەر” مێژوناس و پارێزەر پرۆفیسۆس ئێلیف بیچەر”، بەشدار بوون، خاتوو “میدیا پیرۆتی” نوێنەری پەیوەندییەکانی دەرەوەی حیزبی دێموکرات، بەخێرهاتنی میوانانی کرد و کۆڕەکەی کردەوە.
پاشان “ڕامین نوسرەتی هیق” بە نوێنەرایەتیی یەکیەتیی لاوانی دێموکراتی ڕۆژهەڵاتی کوردستان، ئاماژەی بە کورتەیەک لە دامەزراندنی کۆماری کوردستان تا ئەمڕۆ و ڕۆڵی یەکیەتیی لاوان لە بەشداریکردن لە خەباتی چەندین ساڵەدا و خۆڕاگری و بەردەوامییان تا ئێستادا کرد.
هەروەها ناوبراو کورتەیەک لە ژیانی خۆی لەناو بنکەکانی حیزبی دێموکراتدا گێڕایەوە، کە چۆن لەوێدا فێری وانەکانی وەک دێموکراسی کراوە و چۆن ئەم چەمکە لە ژیانی ڕاستەقینەی بنەماڵەکان و پێشمەرگەکاندا ڕەنگی داوەتەوە.
هەروەها لە کۆڕەکەدا کورتەفیلمێک کە لەلایەن “چەکۆ ئاسریس” ئەندامی یەکیەتیی لاوان و “ڕامین نوسرەتی هیق” لەبارەی ٨٠ ساڵ خەباتی بێوچانی حیزبی دێموکرات ئامادە کرابوو، پێشکەشی ئامادەبووان کرا.
