ڕۆژی یەکشەممە ١٤ی فێبرووار بە بەشداری سەجەم ئەندامانی یەکێتی لاوان لە ناوچەی ترۆندلاگ کۆنفڕانسی ساڵانەی ئەو کومیتەیە بەڕێوەچوو.
سەرەتای کۆنفڕانسەکە بە خولەکێک بێدەنگی بۆ گیانی پاکی شەهیدانی کوردوکوردستان دەستی پێکردو پاشان لە لایەن جەعفەر ڕەسووڵی بەرپرسی تەشکیلاتی لاوان لە نۆروێژ باسێکی کورت لە مێژووی لاوان و هەروەها دەسکەوت و کاروچالاکییەکانی لاوان بە گشتی لە ناوەوەو دەرەوەی کوردستان دوای کۆنگرەی ٦ کرد و لە بەشێکی دیکەدا هەڵوێستەیان لە سەر کاروچالاکی و پلانی کومیتەی گشتی بۆ کۆمیتە ناوچەکان بۆ یەک ساڵی داهاتوو کرد. پاشان بەڕێز عەلی مارەغانی بەرپرسی کومیتە ناوچەی ترۆندلاگی حیزبی دێموکڕاتی کوردستان بە کورتی لەو پێوەندیەدا چەند وتەیەکیان پێشکەشکرد، بە دوای ئەودا درگای ڕەخنەو پێشنیار بە ڕووی بەشدارانی کۆنفڕانس کراوەو لەوبەشەدا کە نزیک بە ٢کاتژمێری خایاند ئەندامان بەشێوەیەکی چالاک بەشدارییان کرد و لە کۆتاییدا لە لایەن ئەندامانی بەڕێوەبەری گشتی ئاواز خزرپور و جەعفەرڕەسووڵی وڵامی هەموو ڕەخنەو پێشنیارەکانیان درایەوە. دوایین بەشی کۆنفڕانس هەڵبژاردنی دەستەیەکی بەڕێوەبەری بۆ ئەو کومیتە ناوچەیە بوو کە لەودا چەندین کەس لە ئەندامان خۆیان بۆ وەئستۆگرتنی کار کاندید کرد کە لە دەنگدانێکی دێموکڕاتیکدا ئەم هاوڕێیانەی خوارەوە دەنگیان هێناوە.
١. جەماڵ ئیبراهیمی
٢. محەممەد زێوەیی
٣. ئاسۆ گولابی
٤. هۆزان ئاگوشی
٥. ڕۆژان ئاگوشی
موشاویرەکان هەروەها ئەم سێ کەسەش لە سەر پێشنیاری بەشداربووان وەکوو موشاویرو هاوکاری ئەو کومیتەیە دەستنیشان کران
١. عەزیز مەعروفی
٢. هێرۆ عەبدوڵاهی
٣. سەیوان ئیزەدی
لە کۆبوونەوەیەکی کورتی بەڕێوەبەری تازەدا هاوڕێ ئاسۆ گولابی وەکوو بەرپرسی کومیتە و هۆزان ئاگووشی وەکوو جێگری بەرپرس دیاری کران، کە هیوای سەرکەوتن بۆ کومیتەی تازە بە ئاوات دەخوازین
یەکێتی لاوانی دێموکڕاتی ڕۆژهەڵاتی کوردستان دەستەی بەڕێوەبەری کومیتەی نۆڕوێژ بەشی تەشکیلات ١٤ی فێبروواری ٢٠١٦
