پاشنیوەڕۆی رۆژی هەینی 11/11/2016 لە دەڤەری پشدەر کۆبوونەوەیک بۆ ئەندامانی پشدەر و بیتوێنی یەکیەتیی لاوان بە بەشداری پێشەوا عەلی پوور سکرتێری گشتیی رێکخراو پێک هات.
سەرەتا شەپۆل زارعی بە باسکردن لە ئامانج و هۆکارەکانی بەڕێوەچوونی ئەم کۆبوونەوە کۆبونەوەکەی دەست پێکرد و پاشان سکرتێری گشتیی یەکیەتیی لاوان بە باسێکی تێر و تەسەلی سەبارەت بە دۆخی ناوچە و گرنگی هوشیاری لاوی کورد لەوقۆناغەدا بابەتەکی زیاتر شی کردەوە. پێشەوا عەلی پوور لە باسەکەیدا وتی: ئەم دۆخەی لە رۆژهەڵاتی نێوەڕاست لە ئارادایە چاک و خراپ کاریگەری لەسەر کورد هەیە و پێویستە سیاسیەکانی کورد هەوڵی قۆستنەوەی دەرفەتەکانی ئەم قۆناغە بدەن بۆ نەتەوەکەمان و یەکرەنگ بن لە وەدیهێنانی خواستە نەتەوەییەکان و کۆماری کوردستان و سروودی نیشتمانی و ئاڵای کوردستان وەک خاڵە هاوبەشەکانی نەتەوەکەمان بکەنە بنەما بۆ گەیشتن بە قەراردادێکی نەتەوەیی،
هەر ئیدامەی وتەکای سکرتێری گشتیی لاوان وتی : لەو قۆناغەدا بێگومان لاوان وەک توێژی هەستیار وسەرەکی کۆمەڵگا پێویستە دەوری پۆزتیڤ بگێڕن و هوشیارانە لەگەوو دۆخی هەنوکەیی مامەڵە بکەن و بەتایبەت لاوانی رۆژهەڵات وەک بەردەنگی یەکیەتیی لاوان پێویستە لە دەرفەتە یاساییەکانی ناوخۆ کەڵک وەرگرن و بێ تەفاوت نەبن بە نسبەت دۆخی مەجود.
لە کۆتاییدا بەشداربوان سەرنج و تێبینیەکانیان خستە روو و لەلایەن سکرتێری گشتیی وەڵام درانەوە.
