بە بەشداری سکرتێری گشتی یەکێتی لاوان بەڕێز کاک “ پێشەوا عەلیپوور” ڕۆژی شەمە ڕێکەوتی 10.07.2022 کۆمیتەی یەکیەتیی لاوان لە وڵاتی ئاڵمان کۆبوونەوەکی ئانلاینی پێک هێنا.
سەرەتای کۆبوونەوەکە بە سرودی نەتەوایەتی ئەی ڕەقیب و ساتێک بێ دەنگی بۆ ڕێز گرتن لە گیانی پاکی شەهیدانی کورد و کوردستان دەستی پێ کرد.
پاشان هاوڕێ ڕافا سەرڕوت وەکوو پێشکەش کار لە لایەن کۆمیتەی لاوانی ئاڵمانەوە مژار و بابەتەکانی کۆبوونەوەی ئاراستەی ئامادە بووان کرد و پەیامی بە خێر هاتنی پێشکەش بە بەشدار بووان کرد ، دوواتر بەڕێز “پێشەوا عەلی پوور “ سکرتێری گشتیی یەکیەتیی لاوان باسێکی سەبارەت بە ڕۆڵی لاوان و یەکیەتی لاوان لە وڵاتانی ئوروپادا پێشکەش کرد، خۆ ڕێک خستنەوە و ئامادە بوون بۆ کۆنفڕانسی نوێ و نەوژەن کردنەوەی کۆمیتەی لاوان لە ئاڵمان و چەند پرسی تەشکیلاتی ، لەو بابەتە گرینگانە بوون کە لەلایەن پێشەوا عەلی پوور پێشکەش کران.
لە کۆتاییدا لە لایان بەڕێوە بەرانی کۆمیتەی لاوان لە وڵاتی ئاڵمان بەڕێزان : سروە مودەرڕێسی ،شەهریار ئەمینی ،بەهمەن شەوکەتی ، و هەر وەها ئەندامانی لاوان لە ئاڵمان، پرسیار و پێشنیار و ڕەخنە ئاراستەی سکرتێری لاوان کران .
