یهکیهتیی لاوانی دێموکڕاتی ڕۆژههڵاتی کوردستان به بهریوهبردنی ڕێوڕهسمێکی تایبهت کۆتایی حهوتهمین کۆنگرهی خۆی راگهیاندو لهو ڕێوڕهسمهدا وێڕای رێزگرتن له بهڕێوهبهرانی پێشووی ئهو رێکخراوهیه، جهخت له سهر بهردهوامی ههوڵو تێکۆشان له پێناو ئامانجهکانی ئهو رێکخراوهیه کرایهوه. ئهو رێورهسمه ئێوارهی ڕۆژی پێنجشهممه، 13 ی خهرمانان به بهشداریی سهدان کهس له لاوانو کادو پێشمهرگهکانی حیزبی دێموکڕاتی کوردستانو یهکیهتیی لاوانو بنهماڵهکانی نیشتهجێ له بنکهکانی حیزبی دیمۆکرات به سروودی نهتهوایهتیی “ئهی ڕهقیب”و راگرتنی چهند ساتێک بێدهنگی بۆ ڕیزگرتن له یادو بیرهوهریی شههیدانی حیزبی دێموکرات، به تایبهت شههیدانی لاوی دێموکرات دهستی پێکرد.
له سهرهتای ئهو ریوڕهسمهدا پێشهوا عهلیپوور، سکرتێری یهکیهتیی لاوانی دێموکراتی ڕۆژههڵاتی کوردستان پهیامی دهستهی بهریوهبهریی رێکخراوهکهی بهبۆنهی کۆتایی کۆنگرهی حهوتهمی رێکخراوهکهی پێشکێش کرد. لهو پهیامهدا هاتبوو که لاوانی رۆژهەڵاتی كوردستان سەڵماندوویانە كە میراتگرێكی بەوەفای پێشەوامان قازی محەمەد و كۆماری كوردستانن، و ئێستاش لەهەموو جولەیەكی لاواندا نیشتمانپەروەری و خۆشەویستی بۆ خاك و خەڵكی كوردستان دەبینرێت. لاوانی رۆژهەڵات خاك و ژینگەی كوردستانیان خۆش دەوێ، هەربۆیە رێكخراوەی ژینگە پارێزی خۆرسك پێكدەهێنن، بۆ ئەوەی شاخ و دەشت و تەنانەت ئاژەلەكانی سەر خاكی كوردستانیش بپارێزن. لاوانی رۆژهەڵاتی كوردستان بەڵێنیان بەمێژوو و كۆماری كوردستان داوە، كە لەهەموو دۆخێكی داخراو و مەترسیداری ئێرانیشدا زمان و كلتوری وڵاتەكەیان بپارێزن، هەر بۆیەش ئەنجومەنە ئەدەبییەكانی رۆژهەڵات بەردەوامن لەپاراستنی زمان و كلتورو ئەدەبیاتی كوردستان. لاوانی نیشتمانەكەم سنوورە دەستكردەكان كاریگەریان تێناكات، و خەمی منداڵێكی شنگالی دەیانگرێنێت، و بزەی ئامەدییەك رووگەشیان دەكات. لەلایەكی دیكەش جیلێكی نوێی لاوانی رۆژهەڵات كە پرسیار لەسەر رابردوو و ئێستا و داهاتووی نەتەوەكەی و پێشرەوانی بزاڤی رزگاری نەتەوەی لەرۆژهەڵات دەكەن، و بەوەڵامی كەمیش رازی نابن.
هەمووی ئەوانە وادەكات كە ئێمەی ئەندامانی یەكێتی لاوانی دیموكراتی رۆژهەڵاتی كوردستان ئەركمان قوورستر بێت، بەڵام بە دڵناییەوە ئاسۆمان ڕوونتر بێت. ئێمە هەوڵ دەدەین لەئاست ئەو ناسیۆنالیزمە مەدەنییەدا بین، كەئێوەی لاوانی رۆژهەڵات لەتاریكترین ژینگەداو لەبچووكترین دەرفەتدا ئاماژەكانی بۆ ئێمە دەنێرن.
لهو پهیامهدا تیشک خرابووه سهر ئهوهی که یەکیەتی لاوانی دێموکراتی رۆژهەڵاتی کوردستان رەسالەتێکی مێژوویی هەیە و لە پێناو بەجێ گەیاندنی ئەم رەسالەتە مێژوویە، کۆمیتەی بەڕێوەبەری گشتی رێکخراوەکەمان دەست پێشخەر دەبێ لە وەسەر یەکخستنەوەی لاوانی دێموکرات و یەکگرتنی هەموو رێکخراوەکانی تایبەت بە لاوان لە رۆژهەڵات و هەوڵ دەدەین کە بە تێکشکاندنی ئاستەنگ و لەمپەرەکان، پردی پێوەندی لە نێوان لاوانی دێموکرات و سەرجەم رێکخراوەکانی تایبەت بە لاوان لە رۆژهەڵات پێک بێنین.
له پهیامی یهکیهتیی لاواندا هاتبوو که یەکیەتیی لاوان بە چاوی ئومێدە دەڕوانێتە خەباتی لاوان لە پارچەکانی تری کوردستان و بەرگری لاوانی رۆژئاوا خاکی نیشتمان لە بەرامبەر گرووپە تەکفیریەکاندا بەرز دەنرخێنێ و هەروەها پشتگیری خۆی لە پڕۆسەی ئاشتی لە باکووری وڵات رادەگەیێنێ کە ئەمەش بەرخۆدانی بێ وچانی لاوان بوو کە بوو کە دەبێتە هەوێنی ئاشتی لەباکووری نیشتمان. لە باشووری کوردستان نەتەوەکەمان چاوەنواڕی دوورە دیمەنی سەر بەخۆییە و لاوان بە هێزی لە بڕان نەهاتوویان لە بەرامبەر هێرشی تێرۆریستەکاندا لە سەنگەری بەرگری لە نیشتمان دان و ئەمە لە لایەن یەکیەتی لاوانی دێموکراتی رۆژهەڵاتی کوردستان بە بایەخەوە سەیردەکرێ و چاوەڕوانین ئەم هەلانەی کە لە پارچەکانی تری کوردستان پێک هاتووە ببێتە دەرفەت بۆ رۆژهەڵاتی کوردستان و لاوان لە پارچەکانی تر رێز لە خەبات و تێکۆشانی لاوان لە رۆژهەڵاتی کوردستان بگرن و پشتگیریان بکەن .
