وێڕای سڵاو و ماندوونەبوونی لە ئامادەبوان و ئەندامانی بەشدار لە کۆنفڕانسەکەتان،پیرۆزبایی بەستنی کۆنفڕانسەکەتان لەلایەن کۆمیتەکەمانەوە پێدەڵەین،هیوادارین سەرکەوتوانە لە ئاستی چاوەڕوانکراو لە کۆمیتەکەتان کە هەمیشە چالاك بۆ دۆزی ڕەوای نەتەوەکەمان و یەکسانی و بەرابەری بۆ ژنان کۆمەڵگا بە گشتی بووە ، بێ گومان ڕابردووی پڕ لە سەروەری ڕێکخراوەکەتان لە تێکۆشان بۆ مافی ژنان و یەکسانی،بەرەنگاربوونەوەی توندو تیژی دژ بە ژنان وکارکردن بۆ هۆشیاری کۆمەڵایەتی و هەڵکەوتنی ژنانی ڕێبەر وەکو شەهید سۆهەیلا قادری و نەسرین حەداد کۆڵنەدان و بەردەوامیتان هۆکارە بۆ ئەوەی ڕۆژ بە ڕۆژ بە چاوەڕوانیەکی زیاتر بڕوانینە ڕێکخراوەکەتان بەتایبەت ئێوەی هاوڕێیانی کۆمیتەی ژنانی سوئێد کە لە نزیکەوە ئاگاداری هەوڵ و تێکۆشانی بێ پسانەوەو کارکردنی بەردەوامتانین،ئێمە وەکو کۆمیتەی لاوانی سوئێد هەروەك جەختمان کردۆتەوە لە درێژە پێدانی ئەو پەیوەندیە بەهێزو کاروچالاکیە هاوبەشانەی هەمان بووە لە ڕابردوو بۆ ئێستاو داهاتووش بەردەوام بێت ،داواکارین کاری هاوبەش وپلانی کاری هاوبەش باسێکی گرنگی ناو کۆنفڕانسەکەتان بێت بە مەبەستی بەهێزتر کردنی کاری رێکخراوەیی و حیزبی لە چوارچێوەی وڵاتی سوئێد لەسەر ئاستی میدیای و لایەن و ڕێکخراوە سیاسی و مەدەنیەکان بۆ ئەوەی بتوانین دەنگی بەهێزی ژنان و لاوانی چەوساوەی ژێردەستی دوژمنانی نەتەوەکەمان بین ،لەکۆتایدا جارێکیتر هیوای سەرکەوتن بۆ کۆنفڕانسەکەتان بە ئاوات دەخوازین ، ماندوو نەبوونی بە دەستەی بەڕێووبەری پێشووی کۆمیتەکەتان دەڵێین بژی کورد بژی کوردستان ئازادی و بەرابەری بۆ ژنان.
یەکێتی لاوانی دێموکراتی ڕۆژهەلاتی کوردستان ـ کۆمیەتی سوئێد
ڕێکەوتی ٢٠٢٠/٠١/١١
