هەموو ساڵێک لە وڵاتی سوئیس شاری ژێنێف کۆنفرانسی کار بە بەشداری زۆربەی وڵاتانی جیهان بۆ باس لە سەر مافی کرێکاران دەگیرێت ئەمساڵیش بە ئامادەبوونی وەزیری کاری ئێران ئەو کۆنفرانسە بە رێوەچوو ، هەر بەو هۆیە زۆربەی حیزب و رێکخراوە سیاسیەکانی کوردستانی و ئێرانی وبە بەشدای بەرچاوی ئەندامانی یەکێتی لاوانی دێموکراتی رۆژهەڵاتی کوردستان.
ئەمڕۆ دووشەممە ٦.٦.٠۲٠۱٦ لە بەر دەم بارەگای سەرەکی UN لە شاری ژێنێف گرد بوونەوەیەکی نارەزایەتی لە سەر مافی کرێکار وبە گشتی مافی مرۆڤ لە ئێران و بە تایبەتی باروو دۆخی نالەباری محەمەد سەدیق کەبوودوەند ئەنجام درا، لەو گردبوونەوە دا کە بە بەشداری چەندین حیزب و رێکخراوی کورد و ئێرانی بە رێوە چوو چەند پەیامێک بە زمانەکانی ئینگلیزی،فەرانسی، ئاڵمانی، کوردی و فارسی خوێندرانەوە بۆ ئەوەی بارودۆخی نالەباری مافی مرۆڤ لە ئێران بە گوێی نەتەوە یەکگرتوەکان بگەیەننەوە، یەکێتی لاوانی دێموکراتی رۆژهەڵاتی کوردستانیش دوو پەیامی بە زمانەکانی ئینگلیزی و فارسی بە گوێی بە شداربوان گەیاند کە زمانی فارسیەکەی لەلایەن “رێبوار مووسەوی” و ئینگلیزیەکەشی لە لایەن ” شەماڵ پاساری” خوێندرایەوە، پەیامەکە لە دوای باس کردن لە بارودۆخی کرێکار و کۆڵبەرانی کورد لە ناوچە سنووریەکانی رۆژهەڵاتی کوردستان و کوشتن و بریندار کردنی کۆڵبەران باسی لە باروو دۆخی نالەباری مافی مرۆڤ لە رۆژهەڵاتی کوردستان کرد و بە تایبەتی لە سەر خۆراگری و شەهامەتی باوکی مافی مرۆڤی کوردستان محەمەد سەدیق کەبوودوەند نوسرابوو هەروەها لە پەیامەکەی لاوانی رۆژهەڵات دا داوا لە رێکخراوی نەتەوە یەگرتوەکان و رێکخراوی لێبوردنی نێودەوڵەتی کرا چی دی لە مەڕ باروودۆخی نالەباری کەبوودوەند بە تایبەتی و ماڤی مرۆڤ لە ئێران بە گشتی بێدەنگ نەبن ، داواش لە هەموو رێکخراو و حیزبە سیاسیەکانی ئێران کرا کە لە سەر مەسەلەی کەبوودوەند بێدەنگ نەبن و دەنگی ئەو داکۆکیکارەی مافی مرۆڤ بگەیەننە هەموو دنیا چوون کەبوودوەند بۆ هەموو نەتەوەکانی ئێران گرینگەکە سەلامەت بێت هەروەها لە برگەیەکی خۆپیشاندانەکە دا لە لایەن یەکێتی لاوانی رۆژهەڵاتی کوردستانەوە پەیامی سکرتێری گشتی حیزبی دێموکراتی کوردستان بەرێز خالید عەزیزی بە زمانی ئینگلیزی لە سەر دۆخی کەبوودوەند چاپ کرابۆوەو لە نێو خۆپێشاندەران ئەندامانی UN (United Nations) بڵاو کرایەوە ٦٠٦٠۳٠۱٦ کۆمیتەی لاوانی رۆژهەڵاتی کوردستان _سوئیس
