رۆژی یەكشەممە ٢٨ فێبروار کاتژمێر ١٠ی سەرلەبەیانیی بە دەستپێشخەریی چەند لاوێكی دڵسۆز لە شاری لینز یەکەمین کۆنفرانسی یەکێتیى لاوانی دیموكراتی رۆژهەڵاتی کوردستان بە سرودی نەتەوایەتی ئەی رەقیب لە لایەن ئەندامانی یەکێتیى لاوان پێشكەش کرا و خولەکێک بێدەنگی بۆ گیانی پاکی شەهیدانی کورد و کوردستان دەستیپێكرد.
لە سەرەتای رێورەسمەكەدا لە لایەن ئاسۆ ئەحمەدیان وەک بەرپرسی کۆمیتەى یەکێتیى لاوان لە وڵاتی ئوتریش بەخێرهاتنی سەرجەم بەشداربووانی رێورەسمەكە کراو و دواتر پەیامی كرانەوەی کۆنفرانس خوێندرایەوە. پاشان پەیامی کۆمیتەى حیزبی دێموكراتى کوردستان لە ئوتریش لایەن بەڕێز کوروش حاجی عەزیزیەوە بەم بۆنەیەوه پێشکەشکرا. پاشان پەیامی کۆمیتەى یەکێتیى ژنان لە وڵاتی ئوتریش لە لایەن بەڕێز خاتوو بەهار حەمزەنژادەوە بەم بۆنەیەوه پێشکەشکرا. پاشان بەڕێز جەعفەر ڕەسووڵی بەرپرسی یەکێتیى لاوان لە دەرەوەی وڵات بە سکایپ بەشداری رێورەسمەكەی کرد و پەیامی دەستەی بەڕێوەبەری یەکێتیى لاوانی دێموكراتى رۆژهەڵاتی کوردستانی لە دەرەوەی وڵات بەم بۆنەیەوه پێشکەشکرد.
یەکێتیى لاوانی دێموكراتى رۆژهەڵاتی کوردستان كۆمیتەی ئوتریش
