رۆژی شه‌ممه رێکه‌وتی 18/04/2015 شاندێکی کۆمیته‌ی سوئیسی یه‌کیه‌تیی لاوانی دێموکڕاتی رۆژهه‌ڵاتی کوردستان له‌گه‌ڵ حیزبی دێموکراتی پێشڤه‌ڕۆی کوردی سوورییه چاویان به‌یه‌ک که‌وت.
شاندێکی کۆمیته‌ی سوئیسی یه‌کیه‌تیی لاوانی دێموکراتی رۆژهه‌ڵاتی کوردستان، به‌سه‌رپه‌ره‌ستی ئاریا جه‌بارپوور له شاری ژنێڤ ، له‌گه‌ڵ شاندێکی حیزبی دێموکڕاتی پێشڤه‌ڕۆی کوردی سوورییه به‌سه‌رپه‌ره‌ستی به‌ڕێز ئه‌حمه سلیمان ئه‌ندامی مه‌کته‌بی سیاسی ئه‌و حیزبه دیدارێکیان ئه‌نجام دا.
له‌و دیداره‌دا به‌ڕێز ئه‌حمه‌د سلێمان وێڕای پیرۆزبایی خۆی و حیزبه‌که‌ی له لاوانی رۆژهه‌ڵاتی کوردستان به بۆنه‌ی یادی دامه‌زرانی یه‌که‌مین رێکخراوی تایبه‌ت به لاوان له چوارپارچه‌ی کوردستان، هیوای خواست یه‌کیه‌تیی لاوانی دێموکڕات پشتیوانی تێکۆشانی لاوان له رۆژئاوای کوردستان بن.
له‌م دیداره‌دا ئاریا جه‌بارپوور وێڕای سپاسی شاندی حیزبی دێموکڕاتی پێشڤه‌ڕۆ، پشتیوانی یه‌کیه‌تیی لاوانی دێموکڕاتی رۆژهه‌ڵاتی کوردستانی له تێکۆشانی لاوان له رۆژئاوا بۆ به‌رو پێشچوونی کۆمه‌ڵگای مه‌ده‌نی، دووپات کرده‌وه.
