کردنەوەی کەلاسی ئینتەرنێتی زمانی کوردی بۆ ھۆگرانی فێربوونی نووسین و خوێندنەوەی زمانی کوردی لە وڵاتی سوئیس ، لە لایەن کۆمیتەی یەکێتی لاوانی رۆژھەڵاتی کوردستان لە وڵاتی سوئیس.
کۆمیتەی یەکێتی لاوانی دێموکراتی رۆژھەڵاتی کوردستان لە سۆنگەی خۆ بە بەرپرس زانین بۆ زمانی شیرینی کوردی و خوێندنەوە و نووسین بەو زمانە، ھەروەھا ھەست کردن بەوە کە بە داخەوە بە ھۆی بێ وڵاتی کوردستان و تاراوگە نشین بوونی بەشێکی زۆر لە کوردستانیان لاو و منداڵە کوردەکانی دەرەوەی وڵات بێبەشن لە نووسین و خوێندنەوە بە زمانی دایکیان ، لە سەردەمی تەکنۆلۆجیا و پێشکەوتن دا یەکێتیەکەمان ھەڵدەستێ بە کەلک وەرگرتن لەو دەرفەت و پێشکەوتنانە قوتابخانەیەکی ئینتەرنێتی تایبەت بە فێربوونی زمانی کوردی دەکاتەوە تا توانیبێتمان خزمەتێک بە گەنجانمان بکەین و بەشێک بێن لە زیندوو ڕاگرتن و بەرەوپێش بردنی زمانی دایکیمان داوا لە ھەموو ئێوەی ئازیزیش دەکەین کە ھاوکارمان بن لەو ئەرکەی کە ئێمە بە بێ بەرامبەر و تەنیا بۆ خزمەت کردن پێی ھەڵستاوین و بەشدار بن لە کەلاسەکانمان و دۆستان و ئاشنایانی لێ ئاگادار بکەنەوە
بەشدار بوون بۆ ھەموو تاکێکی کورد بێ بەرابەر ە و تەنیا ئامانج لێی فێرکاری زمانی کوردیە.
مامۆستای بەشی سۆرانی کاک تەھا سەید محەمەدییە کە زۆر سپاسی دەکەین بۆ ئەو ئەرکە خۆبەخشانەی کە ئێمە پێمان سپاردوە قەبووڵی کردوە و بۆ زاراوەی کرمانجیش ئەگەر زانیمان بەشدار بوو ھەبوو لە داھاتوو دا مامۆستامان ھەیە و ئەویش وەڕێدەخەین.
داوا دەکەین ھەموو ئەو کەسانەی بەشدار دەبن و ھۆگری فێربوونن ئیمایلەکانیان بۆ ئەو ئادرەسانە بنێرن و ناوی خۆیان تۆمار بکەن پاشان کاتی دەست پێکی کلاسەکان و کات و چۆنیەتی بەرێوەچوونیان بە نامەیەک بۆ دێتەوە.
بە سپاسەوە بەشی پەروەردە و فێرکاری یەکێتی لاوان – سوئیس
ئادرەسی ناردنی ناونووسیەکانتان:
karwan.sh1991@gmail.com
rebwar.sardashti13@gmail.com
shilan_kurd@yahoo.com
tawarhassan9@gmail.com
Niloo.m99@yahoo.com
کۆمێنتێک بۆ ئەم بابەتە بنووسە