سەرلەبەیانی ڕۆژی شەممە ١٨ی ڕێبەندانی ١٣٩٩ی هەتاوی، بەڕێوەبەریی هەڵبژێردراوی کۆنگرەی هەشتەمی یەکیەتیی لاوانی دێموکراتی ڕۆژهەڵاتی کوردستان بە بەشداری بەڕێوەبەرانی کۆمیتەکان کۆبوونەوەیەکی تایبەتی بەڕێوە برد سەبارەت بەم تەوەرانە:
* دۆخی ئێران و ڕۆژهەڵاتی کوردستان لە ماوەی ڕابردوودا:
لەمبارەوە سکرتێری گشتیی یەکیەتیی لاوان ڕاپۆرتێکی گشتیی سەبارەت بە هێرشی هەمەلایەنەی کۆماری ئیسلامی بۆسەر بزوتنەوەی ڕزگاریخوازی کورد پێشکەش بە بەڕێوەبەریی کرد و هەنگاوە کردەییەکانی داهاتووی یەکیەتیی لاوان، هاوشانی ڕێکخراوەکانی دیکەی لاوانی ڕۆژهەڵاتی خستە ڕوو
* ئاڵوگۆڕی نێو سیستمی بەڕێوەبەریی یەکیەتیی لاوان :
کۆمیتەی بەڕێوەبەریی گشتیی یەکیەتیی لاوان، وێڕای سپاس و پێزانین بۆ هەوڵ و تێکۆشانی خاتوو فاتمە شەریفی لە دەورەی خۆیدا وەک جێگری سکرتێری ڕێکخراو، بۆ دەرەی نوێ و تا کۆنگرەی داهاتووی یەکیەتیی لاوان، ئەم ئەرکەی بە خاتوو فریشتە ئەسپەندار سپارد